Archive for the ‘Literature’ Category

2013 തുടക്കത്തില്‍ വടക്കേ ഇന്ത്യയിലെ മധ്യപ്രദേശിലെയും ചില സ്ഥലങ്ങളില്‍ നടത്തിയ യാത്രയുടെ ഓര്‍മപുതുക്കല്‍. ആദ്യ മൂന്ന് ഭാഗങ്ങള്‍ വായിക്കാന്‍ താഴെക്കാണിച്ച ഇടങ്ങളില്‍ ചെല്ലുക.

1) വടക്കോട്ടൊരു യാത്ര 

2) കൊട്ടാരവും കോട്ടയും മറ്റു ചിലരും 

3) രാജസ്ഥാനിലെ ഒരു വെയിൽ നേരം 

മേവാര്‍ പ്രദേശങ്ങൾ ഭരിച്ചിരുന്ന രജപുത്രരാജാവായ മഹാറാണാ ഉദയ്‌സിങ് പതിനാറാം നൂറ്റാണ്ടിലെപ്പോഴോ തന്റെ ആസ്ഥാനം ചിത്തോഡില്‍ നിന്നും ദൂരെയുള്ള ഉദയ്‌‌പൂരിലേയ്ക്ക് മാറ്റുവാന്‍ നിശ്ചയിച്ചു. മുഗളനായ അക്‌ബര്‍ ചിത്തോഡിനെ ആക്രമിച്ചിരുന്ന കാലമായിരുന്നു അത്.  അങ്ങനെ മലനിരകളുടെയും തടാകങ്ങളുടെയും കാടുകളുടെയും സുരക്ഷിതത്വത്തിൽ  ഉദയ്‌‌പൂർ ശിശോധിയ രജപുത്രരുടെ ആസ്ഥാനമായി മാറി.  ഇന്ന് ഉദയ്‌‌പൂരിലെത്തുന്ന ഓരോ സഞ്ചാരിയേയും ആകര്‍ഷിക്കുന്ന സിറ്റി പാലസിന്റെ നിര്‍മാണം 1559 ല്‍ റാണാ ഉദയ്‌സിങ് തന്നെയാണ് തുടങ്ങിയത്. ഉദയ്‌‌സിങിനെ തുടര്‍ന്ന് റാണാപ്രതാപ് ഭരണാധികാരിയായി. പിന്നീട് മൂന്നു നൂറ്റാണ്ടോളം സിറ്റി പാലസില്‍ നീണ്ടുനിന്ന വിപുലീകരണത്തിന്റെ ഫലം മാര്‍ബിളിൽ തീര്‍ത്ത ബൃഹത്തായ മനോഹാരിതയായിരുന്നു.

(more…)

Advertisements

2013 തുടക്കത്തില്‍ വടക്കേ ഇന്ത്യയിലെ മധ്യപ്രദേശിലെയും ചില സ്ഥലങ്ങളില്‍ നടത്തിയ യാത്രയുടെ ഓര്‍മപുതുക്കല്‍. ആദ്യ രണ്ട് ഭാഗങ്ങള്‍ വായിക്കാന്‍ താഴെക്കാണിച്ച ഇടങ്ങളില്‍ ചെല്ലുക.

വടക്കോട്ടൊരു യാത്ര -1
വടക്കോട്ടൊരു യാത്ര – 2. കൊട്ടാരവും കോട്ടയും മറ്റു ചിലരും

യാത്രയ്ക്കിടയിലെ ഒരു ഞായറാഴ്ച രാവിലെ ആറുമണിയായപ്പോള്‍ ഗ്വാളിയറില്‍ നിന്ന് ഏതാണ്ട് എണ്ണൂറ് കിലോമീറ്ററോളം അകലെ ഉദയ്‌‌പൂരില്‍ ചെന്ന് ഞങ്ങള്‍ തീവണ്ടിയിറങ്ങി. ഞങ്ങള്‍ക്കായി വിനോദും സരിതയും ഒരുക്കിയ ഒരു സ്പെഷ്യല്‍ സര്‍പ്രൈസ് ! തലേദിവസം വൈകുന്നേരം നാലുമണി മുതല്‍ തുടങ്ങിയ യാത്ര അങ്ങനെ രാജസ്ഥാനിലെ മരുഭൂമിയില്‍ ചെന്നാണ് അവസാനിച്ചത്. വണ്ടിയിറങ്ങിയതും ഞാന്‍ പാളിനോക്കിയത് ഒട്ടകങ്ങളെ കാണാനാവുമോ എന്നായിരുന്നു.

DSC00370

(more…)

അത്യാവശ്യമായ ചില ഔദ്യോഗികകാര്യങ്ങള്‍ക്കായി ഈയടുത്ത ദിവസം എനിക്കും കൂട്ടുകാരിക്കും തിരുവനന്തപുരത്ത് പോവേണ്ടിവന്നു. ആദ്യമായിട്ടാണ് ഞങ്ങള്‍ രണ്ടുപേരും ഒന്നിച്ച് ഇവിടേയ്ക്ക് വരുന്നത്. നട്ടുച്ചയായപ്പോഴേയ്ക്കും ചെയ്യാനുള്ള പണികളൊക്കെ തീര്‍ന്നതിനാല്‍ രാത്രിവണ്ടി പുറപ്പെടുന്ന സമയം വരെ ആ നഗരത്തില്‍ ചുറ്റിക്കറങ്ങാന്‍ കഴിഞ്ഞു. അങ്ങനെ നഗരത്തിലെ രണ്ട് ജനപ്രിയ ടൂറിസ്റ്റ് കേന്ദ്രങ്ങളില്‍ ഒരോട്ടപ്രദക്ഷിണം നടത്താനും പറ്റി.

12.00 മണിയോടെയാണ് എവിടേയ്ക്ക് പോവണമെന്ന് ഞങ്ങളാലോചിക്കാന്‍ തുടങ്ങിയത് തന്നെ. പത്മനാഭസ്വാമിക്ഷേത്രത്തിലേയ്ക്കാവാം യാത്രയെന്ന് തോന്നിയതുകൊണ്ട് നേരെ കിഴക്കേക്കോട്ടയ്ക്കുള്ള ഒരു ബസ്സില്‍ കയറിക്കൂടി. ബസ്സിറങ്ങി നേരെ നോക്കുമ്പോള്‍ വലിയൊരു കവാടം. കോട്ടയാണത്രെ. കവാടത്തിന്റെ അപ്പുറത്ത് നിറയെ കച്ചവടക്കാര്‍. കായവറുത്തത് വില്‍ക്കുന്ന ഒരു പീടികയ്ക്ക് മുന്നില്‍ ശ്രീ ഗുരുവായൂരപ്പന്‍ ചൂട് വറ്റല്‍ എന്ന്‍ ബോര്‍ഡെഴുതിവച്ചിരിക്കുന്നത് കണ്ണില്‍പ്പെട്ടു. ഗുരുവായൂരപ്പന്റെ ചൂട് വറ്റുന്നു എന്ന് പറയാന്‍ ഇവനാര്. ബ്ലഡി ശപ്പന്‍സ്. ശകലം നിധി കയ്യില്‍ വന്നതിന്റെ അഹങ്കാരം !!!

(more…)

നിരാശ

Posted: 17/03/2013 in Literature

യാത്രചെയ്യുന്നതിനേക്കാള്‍ അധ്വാനമുള്ള കാര്യമാണ് അതിനെപ്പറ്റി നാലക്ഷരം എഴുതുകയെന്നത്.

Khajuraho sculptures; Photo No: 4

An erotic Sculpture from khajuraho