Bhadrakali

Bhadrakali ( http://en.wikipedia.org/wiki/Bhadrakali) The Hindu Goddess of Power and war. Pen and Pencil on paper.

രണ്ട് ചിത്രങ്ങൾ

ഒരുകൊല്ലം മുമ്പ് നടത്തിയ ചെറിയൊരു ഉത്തരേന്ത്യൻ യാത്രയ്കിടെ ഉദയ്‌പൂരിൽ നിന്നും വാങ്ങിയ രണ്ട് ചിത്രങ്ങൾ കഴിഞ്ഞ രണ്ടാഴ്ച മുമ്പ് വരെ വീട്ടിൽ പൊടിപിടിച്ച് ചുരുണ്ടിരുപ്പായിരുന്നു.  ആ കിടിലൻ യാത്ര കഴിഞ്ഞ് ഒരു കൊല്ലമാവാറായല്ലോ എന്ന് ഓർത്തപ്പോഴാണ് ഞങ്ങളാ ചിത്രങ്ങളെപ്പറ്റിയും ഓർത്തത്. ഇനിയും സമയം വൈകാതെ അത് ഫ്രെയിം ചെയ്യിക്കണമെന്ന കാര്യത്തിൽ പിന്നെ സംശയമൊന്നും തോന്നിയില്ല. ഇക്കഴിഞ്ഞ വ്യാഴാഴ്ച ആ ചിത്രങ്ങൾ രണ്ടും ഫ്രെയിം ചെയ്ത് കട്ടിൽ കിട്ടി.

 

ആദ്യത്തേത് ഉദയ്‌പൂരിലെ വലിയൊരു രാജസ്ഥാനി ക്രാഫ്റ്റ് മ്യൂസിയത്തിൽ നിന്നും വാങ്ങിയതാണ്. നീലനിറമുള്ള നേർത്ത തുണിയിൽ വരച്ച ആ ചിത്രത്തിൽ വലിയൊരു രാജകീയ യാത്രയാണ് കാണിച്ചിരിക്കുന്നത്.  ആന ഭാഗ്യത്തെയും ഒട്ടകം സ്നേഹത്തെയും കുതിര കരുത്തിനെയും സൂചിപ്പിക്കുന്നവയാണത്രെ. വലിയ സ്ഥാപനമായതിനാൽ വിലപേശൽ ഒന്നും നടക്കാതെ ദുഃഖത്തോടെയാണ് ഞാൻ ആ ചിത്രം വാങ്ങിയത്

രണ്ടാമത്തെ ചിത്രം ഉദയ്‌പൂരിലെ ജഗദീഷ് മന്ദിറിന്റെ അടുത്തുള്ള ഒരു തെരുവുകച്ചവടക്കാരനിൽ നിന്നും വില പേശി വാങ്ങിയതാണ്. കറുത്തുനേർത്ത തുണിയിൽ വരച്ച ചിത്രത്തിൽ കൃഷ്ണനും ഗോപസ്ത്രീകളും ആണ് വിഷയം. വ്യക്തിപരമായി എനിക്ക് കൂടുതലിഷ്ടപ്പെട്ടത് രണ്ടാമത്തെ ചിത്രമാണ്.

ഒരു കൊല്ലം കഴിഞ്ഞിട്ടും എഴുതിത്തീരാത്ത യാത്രാവിവരണങ്ങൾ എന്നെ നോക്കി കൊഞ്ഞനം കുത്തുന്നുണ്ട്.  മുൻ ഭാഗങ്ങൾ താഴെയുള്ള ലിങ്കുകളിൽ ചെന്നാൽ വേണമെങ്കിൽ വായിക്കാം

1) വടക്കോട്ടൊരു യാത്ര 

2) കൊട്ടാരവും കോട്ടയും മറ്റു ചിലരും 

3) രാജസ്ഥാനിലെ ഒരു വെയിൽ നേരം 

4) രജപുത്രവീഥികൾ

5) നിരാശാഭരിതമായ ഡെൽഹി

 

ബാക്കി നിൽക്കുന്ന ഖജുരാഹോപർവം ഉടൻ എഴുതാൻ പറ്റുമെന്ന് കരുതുന്നു 😀

രജപുത്രവീഥികള്‍

2013 തുടക്കത്തില്‍ വടക്കേ ഇന്ത്യയിലെ മധ്യപ്രദേശിലെയും ചില സ്ഥലങ്ങളില്‍ നടത്തിയ യാത്രയുടെ ഓര്‍മപുതുക്കല്‍. ആദ്യ മൂന്ന് ഭാഗങ്ങള്‍ വായിക്കാന്‍ താഴെക്കാണിച്ച ഇടങ്ങളില്‍ ചെല്ലുക.

1) വടക്കോട്ടൊരു യാത്ര 

2) കൊട്ടാരവും കോട്ടയും മറ്റു ചിലരും 

3) രാജസ്ഥാനിലെ ഒരു വെയിൽ നേരം 

മേവാര്‍ പ്രദേശങ്ങൾ ഭരിച്ചിരുന്ന രജപുത്രരാജാവായ മഹാറാണാ ഉദയ്‌സിങ് പതിനാറാം നൂറ്റാണ്ടിലെപ്പോഴോ തന്റെ ആസ്ഥാനം ചിത്തോഡില്‍ നിന്നും ദൂരെയുള്ള ഉദയ്‌‌പൂരിലേയ്ക്ക് മാറ്റുവാന്‍ നിശ്ചയിച്ചു. മുഗളനായ അക്‌ബര്‍ ചിത്തോഡിനെ ആക്രമിച്ചിരുന്ന കാലമായിരുന്നു അത്.  അങ്ങനെ മലനിരകളുടെയും തടാകങ്ങളുടെയും കാടുകളുടെയും സുരക്ഷിതത്വത്തിൽ  ഉദയ്‌‌പൂർ ശിശോധിയ രജപുത്രരുടെ ആസ്ഥാനമായി മാറി.  ഇന്ന് ഉദയ്‌‌പൂരിലെത്തുന്ന ഓരോ സഞ്ചാരിയേയും ആകര്‍ഷിക്കുന്ന സിറ്റി പാലസിന്റെ നിര്‍മാണം 1559 ല്‍ റാണാ ഉദയ്‌സിങ് തന്നെയാണ് തുടങ്ങിയത്. ഉദയ്‌‌സിങിനെ തുടര്‍ന്ന് റാണാപ്രതാപ് ഭരണാധികാരിയായി. പിന്നീട് മൂന്നു നൂറ്റാണ്ടോളം സിറ്റി പാലസില്‍ നീണ്ടുനിന്ന വിപുലീകരണത്തിന്റെ ഫലം മാര്‍ബിളിൽ തീര്‍ത്ത ബൃഹത്തായ മനോഹാരിതയായിരുന്നു.

Drawing

Some Artists

Graffiti from Kochi – Muziris Biennale 2012

by “GUESS WHO”